PROCLAMATIE

Bij protocol statutair vaan Vastelaovends Vereineging de Kribbebieters

Iech Prins Shaun d’n 1^ste Regerend oonder de naome Communicatikus, Telefonikus, Goodhartikus. Prins vaan De Heeg
Protecteur honoraire vaan de Kribbebieters
Ambassadeur vaan lekker op vekansie goon
Lienhier vaan de Moselborg
Groet-Promotor vaan MVV
Straoteluiper mèt de carneval
Gebore op de 269^e daag in ‘t jaor 1993 in Mestreech
Residerentsame mèt mien Prinses Kimberly en eus keender Vinz en Xenna aon de Moselborg in De Heeg

Proklameer, dikteer en verordeneer:
1.Dat iech Prins Shaun 1e  al weke mèt mien möts op veur de spiegel staon, want die is nog gemaak door  menier Knops zaoleger
2.Tot iech same mèt mien Prinses Kimberly daoveur gaon zörge dat veer geweldege daog goon kriege  mèt alle lui in de Heeg op eus eveneminte in de Boeckel
3.Dat ederein in De Heeg vaanaof vendaog zien abbonnemint umzèt naor VodafoneZiggo
4.Dat de Kribbebieters bij ‘t oetrope vaan de groete oonbekinde mèt goon in de cortèsj riechting de Merret
5.Dat iech same mèt mien Prinses, de iervolle pliech zal vervölle um De Heeg mèt belump en vaste hand veur te goon
6.Tot iech same mèt mien Prinses, dit jaor gaon zörge dat euveral ’t sjoen blauw wit vaan de Kribbebieters gezeen weurt!
7.Dat mien prinses belaof dat zie alle kinder in häöre opvaang af en tow get Kribbebietersles gief, wee weit wat dat mèt ziech mèt bringk
8.Dat iech uuch belaof, same mèt mien Prinses en ‘t Jäögprinsepaar te zörge veur ‘n propel veursezoen in De Heeg en veer us same goon inzètte dat De Heeg weer geit bleuje
9.Dat veer bij alle vereineginge eus geziech laote zien en de bande weer oppakke um de Vastelaovend neet allein in Mestreech te laote leve, mer veural ouch in de wieke
10.Tot iech mien eige Prinse medaaje, de hoegste orde vaan De Kribbebieters mèt dit jaor ’n roed gedrage hart op sterling zilver, weerdeg zal drage
11.Dat mien motto, “ ederein deit dertow” ouch veur de Vastelaovend vaan 2025 geldt en leef lui dink d’r aon  “same kinne veer zoeväöl mie”

Mèt de oprechte Kómplemînte
Zoe beslote en opgetèikend door de kanselarijraod vaan de Kribbebieters.
De Heeg, 25 jannewarie vaan ’t Jaor 2000 + 2 x 11 + 3